ငြိမ်းချမ်းရေးပန်းတိုင် ဟာအမွန်မြတ်ဆုံး စံတစ်ခုဖြစ်သည်။ အဲဒီစံ ကိုမည်သည့် အစိုးရ၊ နိုင်ငံကမှ ဖက်ပြိုင်နိုင်မည်မဟုတ်ပါ။ စစ်ဘီလူးတွေပင် ပြိုင်ဆိုင်နိုင်မည်မဟုတ်ပေ။


တပါတီအာဏာရှင် (totalitarian) စနစ် ပီပြင်လေလေ လုပ်ပိုင်ခွင့်အာဏာများဟာ အုပ်စိုးသူအီလစ် (ruling elite) တို့၏ လက်ထဲတွင်ရှိလေ ဖြစ်ပြီး ယဉ်ကျေးမှု နှင့် ဖွံ့ဖြိုးတိုးတက်မှုကို ကျဉ်းမြောင်းသော ရည်ရွယ်ချက်တွေနဲ့ လုပ်လေဖြစ်သည်။


လူ့အခွင့်အရေးကို အခြေပြုတဲ့ ဒီမိုကရေစီပြုပြင်ပြောင်းလဲရေးတွေဟာ ယဉ်ကျေးမှုခိုင်မာမှု၊ လူမှုရေးတည်ငြိမ်မှု နှင့် အမျိုးသား လုံခြုံရေးဆိုတဲ့ နာမည်တွေ နဲ့ တပ်ပြီး အာဏာပိုင်အစိုးရတွေရဲ့ တားဆီးပိတ်ပင်ခြင်းကိုခံနေရပါတယ်။


လူ့အခွင့်အရေးကို အခြေပြုတဲ့ ဒီမိုကရေစီပြုပြင်ပြောင်းလဲရေးတွေဟာ ယဉ်ကျေးမှုခိုင်မာမှု၊ လူမှုရေးတည်ငြိမ်မှု နှင့် အမျိုးသား လုံခြုံရေးဆိုတဲ့ နာမည်တွေ နဲ့ တပ်ပြီး အာဏာပိုင်အစိုးရတွေရဲ့ တားဆီးပိတ်ပင်ခြင်းကိုခံနေရပါတယ်။


ကြီးစိုးလိုသောဆန္ဒ နှင့် အင်အားကြီးမှုကို မြှင့်မြှောက် လိုသော စိတ်တိမ်းညွတ်ခြင်းသည် လူအများ၏ ထူးခြားတဲ့အချက် ဖြစ်ပြီး ဒီစိတ်ဟာလည်း လုံခြုံရေးအတွက် ဆန္ဒတစ်ခုမှ ပေါ်ပေါက်လာသည်။

အာဏာသည် လူနည်းစုသာပါသော လူတစ်စု ၏ လက်တွင်သာ စုပြုံနေသော တိုင်းနိုင်ငံများတွင် ငြိမ်းချမ်းရေးနှင့် တည်ငြိမ်ရေး၊ ခြိမ်းခြောက်မှုများသည် အစဉ်အမြဲဖြစ်ပေါ်နေမည်။

ရုပ်ဝတ္ထုပိုင်းဆိုင်ရာ တိုးတက်လာခြင်းသည် လူသားတို့၏ ပျော်ရွင်မှုအတွက် အကြောင်းရင်းတစ်ရပ်ဖြစ်ပြီး တစ်ခါတစ်ရံ လူသား၏ စိတ်ဝိဥာဉ်ကိုလည်း နာကျင်စေသည်။

နိုင်ငံတော်အစိုးရတွေဟာ သူ့ပြည်သူတွေ အစိုးရအဖွဲ့မှာ ပိုမိုပါဝင်ဆောင်ရွက်နိုင်ရန် နှင့် သူတို့၏ ဘ၀ကို သက်ရောက်မှုရှိသော ဆုံးဖြတ်ချက်များတွင် ပိုမိုပါဝင်ဆောင်ရွက်နိုင်မည့်နည်းလမ်းသစ်များကို ရှာဖွေပေးရမည်။

လျှင်မြန်သော ဒီမိုကရေစီဖော် ဆောင်ရေး နှင့် လူမှုအဖွဲ့အစည်းများ (Civil Society) ကို တောင့်တင်းအောင် ဆောင်ရွက်ခြင်းများဟာ အသင့် တော်ဆုံးသော တုန့်ပြန်မှုဖြစ်သည်။

ဒီမိုကရေစီဖြစ်စဉ်သည် အကြမ်းမဖက်ဘဲ နိုင်ငံရေးနှင့်လူမှုရေးပြုပြင်ပြောင်းလဲမှုကို ဖော်ဆောင်ပေးသည်။ ဒီမိုကရေစီ၏ လွတ်လပ်စွာ ဆွေးနွေးနိုင်ခြင်း နှင့် ငြင်းခုံခြင်းဓလေ့သည် လက်နက်ကိုင်ပဋိပက္ခများ လုပ်စရာမလို ဘဲ မတူကွဲပြားမှုတွေကို ဖြေရှင်းနိုင်စေသည်။

လူသားတို့၏ ဖွံ့ဖြိုးတိုးတက်မှုသည် စီးပွားရေးဆိုင်ရာတိုးတက်မှု (Economic Growth) ဖြစ်ရုံနဲ့တင် မပြည့်စုံနိုင်ပါ။ ၎င်း၏ ဗဟိုချက်မှာ အခွင့်အာဏာပေးအပ်ခြင်း နှင့် စိတ်ပိုင်းဆိုင်ရာ အလိုပြည့်ဝမှု (Inner Fulfillment) တို့ဖြစ်သည်။

ပြည်သူတို့သည် သူတို့တိုင်းပြည်၏ အစိုးရထံတွင် အထူးတလည်ပါဝင်နိုင်ရေးအတွက် လုံလောက်သော အခွင့်အာဏာများကို ပြည်သူအားပေးအပ် ထားသင့်သည်။

ဒီမိုကရေစီရလျှင် ယဉ်ကျေးမှုနှင့် ဖွံ့ဖြိုးတိုးတက်မှုသည် သူ့အလိုလိုတစ်ပေါင်းတစ်စည်းတည်းဖြစ်သွားပြီး ပတ်ဝန်းကျင်တစ်ခုကို ဖန်တီး လိုက်သည်။ ယင်းပတ်ဝန်းကျင်တွင် လူသားအားလုံးသည် တန်ဖိုးရှိကြပြီး လူတစ်ဦး တစ်ယောက်ချင်းစီ၏ တန်ဖိုးကိုလည်း နားလည်သွားစေသည်။

တစ်ပါတီ အာဏာရှင်များအနေနှင့် စစ်မှန်သော ဒီမိုကရေစီဖော်ဆောင်ရေးကို တုန့်ဆိုင်းနေသည်နှင့်အမျှ သူတို့၏ အပြုသဘော ဆောင်ရွက်ချက်များ သည်ပင်လျှင် အလာဟသ ပျက်ယွင်းသွားနိုင်သည်။

ယခု ကျမတို့ရင်ဆိုင်နေရတဲ့ စိန်ခေါ်မှုကတော့ ကမ္ဘာပေါ်ရှိ မတူကွဲပြားနေကြတဲ့ နိုင်ငံများ၊ ပြည်သူများက လူ့တန်ဖိုး၏ အခြေခံကျသော အချက်တစ်ခုအပေါ် သဘောတူညီရေး ဘဲဖြစ်ပါတယ်။ ယင်းအချက်သည်သာ ကမ္ဘာလုံး ဆိုင်ရာလူ့အသိုင်းအ၀ိုင်း၏ ဖွံ့ဖြိုးတိုးတက်ရေးအတွက် အင်အားတစ်ရပ် (A Force) အဖြစ် လုပ်ဆောင်နိုင်မည် ဖြစ်သည်။

ကုလသမဂ္ဂ (United Nations) နှင့် ၎င်း၏အဖွဲ့အစည်းများသည် ဖွံ့ဖြိုးတိုးတက်မှုကို ကူညီပေးဖို့ဆန္ဒရှိတယ်ဆိုရင် ပြည်သူကို အခွင့်အာဏာ အပ်နှင်းနိုင်သော လှုပ်ရှားမှုများကို အားပေးထောက်ပံ့သွားရမည်ဖြစ်သည်။ လျှင်မြန်သော ဒီမိုကရေစီဖော်ဆောင်ရေးနှင့်လူမှုအဖွဲ့အစည်းများ အားကောင်းအောင် ဆောင်ရွက်ခြင်းသည်သာ ဖွံ့ဖြိုးတိုးတက်မှု အတွက် မရှိမဖြစ်အရာ (sine qua non) ဖြစ် သည်။

နိုင်ငံရေး နှင့် လူမှုရေး အသွင်ကူးပြောင်းရေးတွင် ပြည်သူလူထု၏ ပါဝင်ဆောင်ရွက်ခြင်းသည် ကျွန်ုပ်တို့ခေတ်ကာလ၏ အဓိကကျ သော ကိစ္စတစ်ရပ်ဖြစ်သည်။ ထိုမှသာ လွတ်မြောက်ခြင်း (Liberation) သည် ထိန်းချုပ်ခြင်းအထက်ကရှိသော၊ လူသားတန်ဖိုး (Human Worth) သည် အာဏာပါဝါအထက်ကရှိနေသော လူ့အဖွဲ့အစည်းများတည်ဆောင်နိုင်မည်ဖြစ်သည်။ ဒီပုံစံအရဆိုလျှင် ဖွံ့ဖြိုးတိုးတက်မှု (Development) သည် စစ်မှန်သော လူ့အခွင့်အရေးများရှိသော ဒီမိုကရေစီကိုသာ လိုအပ်နေသည်။

ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်၏ Freedom, Development, and Human Worth စာတမ်းကောက်နုတ်ချက်...

ဒီဟောပြောချက်မိန့်ခွန်းကို ၁၉၉၄ နိုဝင်ဘာ ၂၀ ရက်နေ့တွင် ဖိလစ်ပိုင်နိုင်ငံ မနီလာမြို့၌ ကျင်းပခဲ့သော ယဉ်ကျေးမှု နှင့် ဖွံ့ဖြိုးတိုးတက်ရေးဆိုင်ရာ ကမ္ဘာ့ကော်မတီရှင် (The World Commission on Culture and Development) အစည်းအဝေးအတွက် “ Empowerment for a Culture of Peace and Democracy ” ခေါင်းစဉ်ဖြင့် ရေးသားခဲ့ခြင်းဖြစ်သည်။ စာရေးသူ၏ မေတ္တာရပ်ခံချက်အရ သူမကိုယ်စား ဖိလစ်ပိုင်သမ္မတဟောင်း ကိုရာဇန် အကွီနို (Corazon Aquino) က ဖတ်ကြားခဲ့ခြင်းဖြစ်သည်။

အလင်းဆက်