မွေးဖွားခြင်း နှစ်(၂၀)
ဖိုးပါ (ဒေလီ)
အရေးတော်ပုံ အေင်ရမည်လို့ ကြွေးကျော်ခဲ့တာ အခုဆို နှစ်ပေါင်း (၂၀) ကျော်လာခဲ့ပါပြီ။ နှစ်ပေါင်း (၂၀) ကျော်မှာ ကြွေးကျော်သံက တခုတည်းပါပဲ။ ရည်မှန်းချက်ကလည်း တခုတည်းပါပဲ။ (အရေးတော်ပုံ အောင်ရမည်)။ ထိုင်းကအော်လည်း ဒီသံပဲ၊ အိန္ဒိယကအော်လည်း ဒီသံပဲ၊ ဂျပန်၊ ကိုရီးယား၊ မလေးရှား၊ အမေရိကန်၊ ကနေဒါ၊ သြစတေးလျ၊ နော်ဝေ၊ ဒိန်းမတ် မြန်မာတွေ အခြေချနေထိုင်ကြတဲ့ ပြည်ပနိုင်ငံပေါင်းစုံမှာ ကြွေးကျော်သံ ဒီတခုတည်းပါပဲ။ တမျိုးတော့ ထင်စရာရှိတယ်ပေါ့၊ တို့မြန်မာတွေ ညီညွတ်လိုက်ကြတာ ဘယ်နိုင်ငံရောက်ရောက် သဘောထားကတော့ ပြောင်းမသွားဘူး။ မထင်လိုက်ပါ့နဲ့၊ ငြိုငြင်ချင် ငြိုငြင်လိုက်ပါ။ ယုန်ထောင်ကြောင်မိ၊ ယုန်တောင်ပြေး ခွေးမြောက်လိုက် ဆိုသလိုပါပဲ။ ခါးတောင်းကျိုက်တခြား ဖင်တခြားပါ။
ထွက်လာတုန်းက ပါးစပ်တခု၊ ဖွားဖက်တော်တခုစီနဲ့။ ချမယ် နှက်မယ်၊ ထုမယ် ထောင်းမယ် အာဂသတ္တိခဲများတကားလို့ သြော်ချမလောက်ပါပဲ။ ကျောင်းသားဆိုတာ မမှန်တာမပြောဘူး၊ မဟုတ်တာ မလုပ်ဘူး။ ဒူးမထောက်ထူး၊ ခေါင်းမညိတ်ဘူး။ ဖြူစင်တယ်၊ ရိုးသားတယ်၊ မိဘပြည်သူကချစ်တယ်။ ဒါတွေဟာ ပုံပြင်မဟုတ်တာ သေချာပါတယ်။ အခုတော့ သားနဲ့ မယားနဲ့၊ ကျွေးနဲ့ ခွေးနဲ့ လုံးခြာလိုက်ပြီး မုံ့လုံးကို စက္ကူကပ်လိုက်၊ ဂျာအေးကိုသူ့အမေက ရိုက်လိုက်နဲ့ ဒီသံသရာ ချာချာလည်တုန်းပါပဲ။ တနည်းအားဖြင့် မျိုးဆက်ပွားတယ်လို့ပဲ ကင်ပွန်းတပ်ကြတာပေါ့။
